الدليل دوت كوم
إعداد صابرين متولى
كنافة بياميش رمضان.. مقدمة من مروة الجزار.
المقادير
ربع كيلو كنافة ملونة (برتقالي)او كنافة عادية.
نص كوب سمنة مذابة.
مكسرات مجروشة.
زبيب
فانيليا بودر.
ماية ورد.
ياميش رمضان (تين مجفف+قراصيا+مشمش مجفف)متقطعين مكعبات صغيورة جدا.
الطريقة.
اولا هتدعكي الكنافة الملونة بالسمنة كويس جدا مع رشة فانيليا بودر وتمزجيهم كويس جدا جدا.
هتدهني صينية مقاس 24بالسمنة وتنزلي بنص كمية الكنافة وبصينية اكبر وتضغطي كويس جدا..
الحشوة :في بولة كبيرة هتنزلي بالمكسرات المجروشة مع الزبيب وقطع الفواكه المجففة مع رشة فانيليا بودر ومعلقة صغيورة ماية ورد وتمزجيهم كويس وتنزلي بيهم علي الكنافة المضغوطة وتساويهم وبقية الكنافة ننزل بيها ونساويها وبصينية اصغر وتضغطي جامد جدا وترشي علي الوش معلقتين كبار سمنة مذابة وتوزعيها كويس عشان وش الصينية ياخد لون تحمير حلو.
وعلي الفرن يكون سخن جدا قبلها بنص ساعة واول ما الكنافة تاخد لون من الاطراف نفتح الشواية لحد ما تتحمر.
تطلع تتسقي بشربات تقيل بارد والكنافة سخنة تتغطي لمدة نص ساعة بعد كده تتقطع وتتقدم بالف هناااااااا.
بجد طعمها خرااااافة ولو عايزاها مقرمشة متغطيهاش